اجمل قصة حب رومانسيه الحلقة السادسة

‎ كنا وقفنا فى الحلقه اللى فاتت ان الخروف سعيد سأل الديك فرحات على المعزه وعن اللى جرالها؟؟؟؟

لكن الديك فرحات واطى راسه فى الارض وسكت!!
فقلق الخروف سعيد جدا وقاله ايه سكت ليه ؟؟


رد عليه الديك فرحات قاله انا مكنتش عاوز اقولك بس مضطر اقولك لانك كده كده هتعرف قاله ايه قول قلقتينى

قاله الديك فرحات ان المعزه اتصابت اصابه جامده اوى فى الحدثه والدكتور حمل قال انها لازم تعمل عمليه خطيره فى المخ


الخروف سعيد دموعه نزلت غصب عنه ومااستحملش وفجاه قطع كل المحاليل اللى كانت متعلقاله وبقى عامل زى المجنون وعاوز باى طريقه يروح يشوف المعزه والديك فرحات يحوش فيه وجيه الدكتور حمل بسرعه لما سمع الدوشه فى الاوضه وجت معاه الممرضه غزاله ويحوشه فيه ولكن مفيش فايده صمم انه يروح يشوفها وقالهم سندونى لحد الاوضه اللى هيا فيها...

سنده الدكتور حمل والديك فرحات والممرضه غزاله وخدوه لحد الاوضه اللى هيا فيها لقاها الخروف سعيد نايمه على السرير مش حاسه بالدنيا وبردوا متعلقلها محاليل واجهزه فقالهم الخروف سعيد سيبونى لوحدى شويه انا وهى اخرجم كلكم بره...


فخرج الدكتور حمل ومعاه والديك فرحات والممرضه غزاله اللى كان الديك فرحات عمال يغزل فيها من ساعت لما جه المستشفى وبعد لما طلعوا من الاوضه قالها الديك فرحات انا عزمك على ثلاث كوبيات عصير انا وانتى والشيطان وخدها وقلب ...

المهم

"اتفرجوا على الدراما"


قعد الخروف سعيد جنب المعزه الجميله ومسك ايدها وقعد يعيط ويقولها
يعنى بعد لما اقعدت ادور طول عمرى على الحب وفى الاخر لقيته معاكى تقومى تسيبينى لوحدى فى الدنيا وتمشى طب انا هعمل ايه من غيرك دانا من يوم ماشوفتك وانا مش عاوز من الدنيا دى كلها غير انك تكون معاياوجنبى تقومى انتى تسبينى لو هتمشى من الدنيا يبقى خدوينى معاكى انا ماليش مكان فيها من بعدك انتى اللى خليتى لحياتى ولدنيتى طعم متسبنيش ارجوكى وقعد الخروف يعيط ويتكلم معاها وهى طبعا فى غيبوبه اثر الحدثه مش حاسه بالدنيا



ودخل الدكتور حمل عليه بعد فتره وحاول انه هو يخفف عليه شويه وقاله انها هتكون ان شاء الله كويسه وان العمليه ان شاء الله هتنجح ولكن فى الحقيقه ان العمليه كانت خطيره اوى ونسبه نجاحها بسيط فى مصر


وقاله الدكتور ان والد المعزه جدى باشا جاى هو ومامتها معزه هانم عشان يشوفوها دلوقتى ومينفعش يشوفوه كده جنبها وانه لازم يرجع الاوضه بتاعته عشان محتاج انه يريح شويه وانه كمان لسه تعبان


رجع الخروف سعيد على اوضته وبعد شويه جه الكلب لطيف عشان يشوف الخروف سعيد ويطمن عليه ويطمنه على نفسه وكان الكلب لطيف كويس ومفهوش غير شويه كدمات بسيطه وكانت دماغه مفتوحه ومربطها ...

وقعد الكلب لطيف مع الخروف فرحات يوسيه شويه ويخفف عليه ويقوله ان المعزه ان شاء الله هتبقى كويسه وان العمليه ان شاء الله هتنجح


وبعدين ساله الخروف سعيد عن الديك فرحات فقاله انا شايفه وانا جاى واقف مع الممرضه الغزاله وواكل ودنها فابتسم الخروف سعيد وقال مفيش فايده فيه وقعد الكلب لطيف يضحك


وبعد شويه سمعوا الاتنين دوشه بره الاوضه جامده اوى ياترى ايه اللى حصل ؟؟؟

دا اللى هنعرفه الحلقه الجايه ؟؟!!

مفيش فايده فيك لازم تشوقني