اجمل قصة حب رومانسيه الحلقة السابعة

‎ كنا وقفنا فى الحلقه اللى فاتت ان الخروف سعيد والكلب لطيف كانوا قاعدين فى الاوضه مع بعض وسمعوا صوت دوشه جامده بره الاوضه ؟؟؟


ودا بقى كان صوت الديك فرحات اللى كان ماسك فى خناق باش تمرجى" دكر بط بلدى "بسبب ان هو عاكس الممرضه غزاله وهى واقفه معاه وعمانا طبعا الديك فرحات ماقبلش بكده وهاتك ياشتيم فى دكر البط وطبعا كان عمال يزعق ويقول ماقولته المشهوره" ان كان فاكر نفسه دكر بط فانا ديك يعنى من سته الصبح اصحيك "


والمستشفى كلها اتقلبت والدكاتره والممرضين يحوشوا فيه وهو مفيش فايده قام الخروف سعيد قال للكلب لطيف اطلع هاته ياعم لحد حد يضربه وطلع الكلب لطيف وهدى الديك فرحات وخده معاه على الاوضه اللى فيها الخروف سعيد وقعدوا يهدوا الاتنين فى الديك لحد ماهدى وراح حاطط دماغه على السرير اللى جنب الخروف سعيد ونام وقعد يشخر ولا كأن اى حاجه حصلت وقعد الخروف والكلب يضحكوا عليه ......



وفى الوقت ده كان الاوضه التانيه اللى فيها المعزه الجميله كان دكتور حمل واقف مع والدها جدى باشا بيشرح حاله المعزه وقاله ان بنته حالتها الصحيه ضعيفه وفى خطر على نجاح العمليه جوه مصر لانها عمليه دقيقه وبتحتاج عنايه فائقه وخبره عاليه وده طبعا مش موجود فى مصر والافضل انها تسافر تعمل العمليه بره ويكون فى اسرع وقت ....


وطبعا كان من السهل على جدى باشا انه يسفر بنته بره مصر ويوديها اكبر مستشفيات فى الخارج لانه كان غنى جدا وابن بشوات وعنده عزب واطيان وعنده اكبر مصنع لانتاج رباط الجذم فى مصر وثروته تجاوزت احمد عز بكتييييييييييييييييير ههههههههههه


وفعلا جدى باشا حجز على اول طياره مسافره تانى يوم على الخارج وكمان كانت طياره خاصه


ولما عرف الخروف سعيد عرف من دكتور حمل ان المعزه مسافره تانى يوم الصبح حب انه يشوفها مره تانيه يمكن تكون اخر مره يشوفها فى حياته واترجى الدكتور حمل انه يساعده فى كده وان صحابه يسعدوه فى كده قبل الدكتور حمل انه يساعده فى كده بس الدكتور مكنش عارف هيعمل ايه؟؟


فالديك فرحات كان لسه صاحى من النوم وعرف منهم الحكايه وقلهم انا جتلى فكره حلوه قلولوه قول قالهم انا هبعت الممرضه غزاله على الاوضه عشان تنادى جدى باشا ابوها وتقوله فى تليفون عشانك وانا هكلمه فى التليفون اعطله باى حاجه وانت يادكتور حمل هتروح على الاوضه بعد لما جدى باشا يطلع وتقول لمامت المعزه انه عاوزها بره شويه وتحاول تعطلها شويه فى الوقت ده يدخل الخروف الاوضه ويشوف المعزه نط الخروف فرحات عليه وباسه وقاله ينصر دينك اول مره تقول حاجه مفيده وراح رافع ايده وواكله على قفاه ....


وبداوا فى تنفيذ الخطه ودخل الخروف الاوضه من غير ماحد ياخد باله وقعد يبص على المعزه ويملى عينه منها ومسك ايدها وقالها انا هفضل عايش على انك ترجعلى تانى وعمرى ماهفقد الامل ده ابدا عشان عارف وحاسس ان ربنا عمره ماهياخدك منى بعد لما لقيتك وباس الخروف راسها وقالها ربنا يرجعك ليا بالسلامه ومايحرمنيش منك ابدا ابدا وانا هفضل ادعيلك لحد ماترجعى.....


وملى عينه منها وراح ناحيه الباب وراح باصص مره تانيه عليها وراح فاتح الباب عشان يخرج لقى حدفى وشه ياترى مين ؟؟؟؟


دا اللى هنعرفه الحلقه الجايه ..............

انا عايزه اعرف النهايه