موضوع فى غاية الاهميه

الموضوع ده صعب جدا جدا
انا اولا بكره جواز الاققارب كره لا يوصف لانه
مشاكله كتيير جدا جدا جدا وممكن تهد عائلات وتفصلها من بعض وتخلى الاسر تكره بعضها
انا مش بقول الكلام ده من خيالى لكن بالعكس انا شفت الكلام ده فعلا فى بلدى ولكن الزواج عندنا مش بيبقى بالاكراه
بس حصلت مشاكل كتيير بعد الزواج ووصل الموضوع للمحاكم
..................................................
ثانيا عايز اسالك سؤال
هو انتى هو انتى مش بتحبيه يعنى مفيش امل تحبيه
لو مش بتحبيه ومقتقدريش تستحمليه انه يكون زوجك متوافقيش وصممى على رايك
اما لو فيه امل بيبقى فيه طبعا فتره خطوبه تقدرى تشوفى تقدرى تكملى معاه ولا لا
وتقدرى بعدها تقررى
........................................................
ثالثا انا لو فى نفس الموقف مش هوافق طبعا وهصمم على رايى
..........................................................
رابعا دا رأيى المتواضع
وكما قال احد الحكماء
لكم اراء ولى اراء والحياة ظلال واضواء

بصراحه ربنا يعينك فى الاول وفى الاخر

اكيد لو اختى مش هجبرها على حد مش عايزاه

اما بالنسبه لمشكلتك انتى متعرفيش ربنا مخبيلك ايه ... ونتى مش هتتجوزيه بين يوم وليله

ومن وجهة نظرى اكيد لو هو وحش او مش محترم اكيد اهلك هيرفضوة او مش هيجوزهولك

ونا عايز اقولك حاجه . لو هو ده الواقع بتاعكم ومفيش مفر منه يبقى سلمى امرك لله وادعيله انه ميقركش منك اى سوء

ولعلمك يا ازهار رأينا مش هيفيدك انتى كل ما تسمعى رأى حد الموضوع هيديقك اكتر وكله هيعد يشلك فى هموم

ألجئ الى الله احسن من عبيده ......... انتى برده متعرفيش ربنا شايلك ايه وأكيد ادام العيله عندكم كده يبقى اكيد ليكى بنات قرايب اتجوزوا ومبسوطين وعندهم اطفال كمان بصى للجانب الحلو من الحياة للأمل وخلي عندك يقين بالله
ان ربنا دايما مع عبيده ادام عبيده معاه (( بصى للنص المليان من الكوبايه مش النص الفاضى ))

وعلى فكرة لو الناس بتقول ان جواز القاريب غلط ده ممكن يكون من مشاكل هما شافوها بس مش شرط .
كل حاجه فيها الوحش والحلو . زى ما فيه جواز فاشل فى جواز ناجح سواء اذا كانوا قرايب ولا لا

ومش شرط تحبيه من اول مرة ممكن يكفيكى انه يكون محترم وصدقينى اكيد الحب هيجى بعدين الاعجاب بالشخصيه المحترمه والكويسه والطيبه وكل الحجات ديت دافع قوى انك تحبيه بعد كده ... واعرفى ان رضى ايوكى وامك عليكى اكيد هيرضى ربنا عليكى

صلى استخارة واستخيرى ربنا فى امرك لو انتى مؤمنه بالله ومؤمنه انه قادر انه يسعدك اكيد هتلاقى الحل عنده . صدقى كلامى وردديه فى عقلك وردى عليا

انا قولتلك رأى الشخصى ارجو انه يفيدك .........

وانا رايي انى بكره الناس دول عمى
وانهم مهما وصلوا لدرجات من العلم برضو عقلهم صعب
بيعاملوا البنت على انها (اسفه فى اللفظ )زى الجزمة فى رجلهم مفيش احترام مفيش ادب
وبيرفضوا تعليم البنات عشان تفضل البنت جاهله ماتعرفش حاجه عشان ماتتمرد على الرجل
عشان دايما تفضل هى ورا وهو فى الامام
ومفيش اى سبب يمنع جوازى من اى واحد مصري عادى غير انه مش بدوي جاهل متعصب
عشان كده انا قررت انى احاول بشغلى مع امى اأمن نفسي لانى مش عارفه هيحصل ايه بكره
وانى انسى موضوع الجواز ده نهائي وانا كده هكون راضيت بابا واهله ومش مشكله انا
اشكركم لاهتمامكم بالموضوع ده فعلا اهم موضوع فى حياتي

انا بنصحك تعملي اللي بدماغك طالما مش يغضب ربنا ووبس غير كده الكل في دهيه وشكرا

خير الكلاام ما قل ودل

شكرا علىرأيك ياريس
بس للأسف هو شجعني وفى نفس الوقت
احنا مش عايشين فى الدنيا لوحدنا

مع احترامى ليك يا أخ حماده
هى لو اغضبت ابوها وأمها يبقى اكيد اكيد اغضبت ربنا

بس انتى صح يا ازهار احنا مش عايشين لوحدنا
احسن حاجه ان يبقى فى ناس حولينا ......

ازهار انتىى موضوعكمهم وبجد بجد ربنا معاكى

بس سورى دول اهلك ودى عادات وتقاليد عندهم والعند مش حل للمشكلة

ممكن من رايى الشخصى تقعدى معاهم وتفهميهم انتى انسانة متعلمة وكلميهم مرة واتنين

بس دون غضبهم عليكى فى الاول والاخر رضا الام والاب من رضا الرب

بس حاوللى توزصللى وجهة نظرك

وحتى وصليها للانسان اللى عايز يرتبط بيكى فهمية هتعيش معايا ازاى وانتا عارف انى مش بحبك

اى نعم هما دماغهم نشفة بس بردة لازم يكون فية رفض وقبول وانتى من حقك تختارى الانسان اللى تحبية

بس دون غضب والديكى عليكى

واتمنالك الانسان اللى قلبك اختارة وربنا يوفقك

ويهديهم

من ناحية اني اقنعهم شيء مستحيل
هما مش بيقتنعوا بالحاجات دى
تعتبر محرمات عندهم بس الاكيد عمري ما هعمل حاجه انا مش راضيه عنها
ومش هعمل حاجه اهلى مش راضيين عنها
وانا هسيبها لله
اشكرك انك اهتميت بالموضوع ده وكتبت رد عليه
وردك فعلا عجبني