خناقه بين الساعاتى والفران جامده موووووووت

بسم الله الرحمن الرحيم

السلام عليكم ورحمة الله وبركاته

خناقه بين ساعاتى وفران

يلا اتفرجو

الساعاتي : انت بعد ( الدقه ) دي لا تعاملني ولا اعاملك وانا (منبه ) عليك بكده من زمان



الفران : بلاش رغي ... انا ما احبش ( اللت والعجن )



الساعاتي : انا دغري ... ومعرفش ( اللف والدوران )



الفران : يااخي كل (عيش ) واسكت



الساعاتي : ماتغيظنيش دا انا(مليان ) منك خالص



الفران : ..انت( بتتقمر ) كده ليه ؟



الساعاتي : لأ .. لأ .. (صلح ) ملافظك ..احسن (امسح ) بيك الارض



الفران : اذا ما سكتش حاروح ( مفقعلك ) عينيك



الساعاتي : انت واقف ( تتنطط ) لي زي( الرقاص ) كده ليه ؟



الفران : رقاص ايه يا ( لوح )



الساعاتي : مايبقاش لسانك زي ( العقرب )



الفران : عقرب لما (يقرصك )



الساعاتي : انت عقلك ( فاضي ) انت راجل ( متاخر )



الفران : انت ( محروق ) مني ليه



الساعاتي : لانك راجل مش ( مظبوط )



الفران : دنا صاحب عمارات وانت مش طايل ( شقه ) تسكن فيها



الساعاتي : انا اجرت بيت من بابه ودفعت شهرين ( مقدم )



الفران : وجبت الفلوس ( منين )



الساعاتي : (الظروف ) اتصلحت



الفران : يعني طلقت الفقر طلاق مالوش ( رده )



الساعاتي : ولا كلمه ...تعالي بقي نقعد علي القهوه دي ( نركن ) فيها شويه



الفران : بعد ما تشتمني وتتكلم معايا الكلام ( الناشف ) ده عايزني اقعد معاك



الساعاتي : حقك عليا .. الواحد ( ساعات ) يكون مش رايق



الفران :عشان خاطر ( العيش ) والملح حاقعد معاك ومسامح في اللي فاتت

هههههههههههههههههههههههههههههههههه

جامدة جداااااااااااااااا ياحمد تسلم يامعلم

شكرا يا جميل على ردك

هو فى ايه انا مش فاهمه من الناس دى حاجه
هما بيتخانقوا ولا بيتصالحوا ولا ايه
مين دول

اقرى ما بين الاقواس وانسبيه للشخص اللى بيتكلم
تلاقيه مناسب لشغله

لا يااااارااااجل
ما انا فاهمه بس الكلام ده لخبطني

ههههههههههههههههههههه
لا ركزى شويه وانتى مش تتلخبطى