نور سين ضى القمر
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
نرجو انضمانمك الينا
لتزداد نورسين نورا بقدومك
الــيــهــا. مع تحيات ادارة المنتدى

نور سين ضى القمر

افلام عربى _ افلام اجنبى _ اغانى _ كليبات _ برامج _ العاب_ اسلاميات
 
الرئيسيةالتسجيلدخول
منتدى نورسين يرحب بكم ويتمنى لكم قضاء وقت ممتع لمراسلة الادارة a.loves_y@yahoo.com احمديونس

Free CursorsMyspace LayoutsMyspace Comments

شاطر | 
 

 مقارنه بين الطفل الفافى والبيئه جامده موووووووووووووووووووووت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hana 2010
فــراشــة نـورسـيـن
فــراشــة نـورسـيـن
avatar

عدد المساهمات : 168
تاريخ التسجيل : 13/08/2010
نقاط : 277

مُساهمةموضوع: مقارنه بين الطفل الفافى والبيئه جامده موووووووووووووووووووووت   السبت أكتوبر 09, 2010 5:00 am

دي مقارنه بسيطه بين (الطفل الفافي) ... و(الطفل البيئه )

(الطفل الفافي) و (الهافلايف )

1-الولد من دول يصحى على صوت الكناري اللي في اوضته ....
- سو سو سو سو .... -

2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو .....

- بيتفرج على الام بي سي كتيييييييييييير -

3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي ....

- الداده معاها دكتوراه من جامعة اسفخص في لندن -

4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها ..... - اريال .... نسيم الصباح -

5- يجيب جزمته من الجزامه ... اللي مليانه جزم وكوتشيهات ... وسبوووز .....
- تقولش دخلت محل لطفي أو توكيل تمبرلاند -

6- ينزل يفطر مع مامي ودادي ... والفطار كورن فليكس بطعم الستروبوري او الشوكولات ....

- كورن فيليكس كلووقز .. مش بسكو مصر -

7- يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين اتشكن ناجتس و كيس شيبسي و عصير جهينه او ايزي موزوو

- ايزي مووزو فاكرين الاعلان ده ؟؟؟ -

8- يسلم على دادي اللي يديله البوكيت موني بالدولار ..... مش يعرفو حاجه اسمها جنيه طبعا

- جنيه ؟؟؟؟ دي عملة انكردت من زمااان -

9- يطلع من البيت بعد الداده ماتلبسه الشنطه بتاعة الكتب على ضهره ..

- بنشوف الشنطه دي مع الخواجات في شرم وبس -

10- يركب الباس بتاع السكول .... ويشاور (باي باي) للداده ولمامي ...

ويركب مع زمايله ويغنو بالانجليش او الفرينش .....

- فريدرو جاكو .... فريدرو جاكو ... هايللبّووه -

*الطفل البييييئه :

1- دييييييييب .... اخوه رمى عليه طوبه عشان بقاله ساعتين بيصحي
فيه ... وهو ولا هنا ...

- طبعا .. مقضيها صرمحه في الشارع للفجر -

2- العيال دي ماتعرفش اختراع اسمه (غسيل الوش بعد ما تقوم من النوم) ....

هم شوية خناق مع اخواته ويبقى صحصح على الآآآآآآآخر ....

- بدل تمارين الصباح ... رياضه برضه -

3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه ..... انشالله صرصار ..

برضه هاياكله من الجوع - عشان كده ماتلاقيش في بيتهم صراصير -

4- بعد ما يحط في بطنه اي حاجه في رغيف ... يدور على اي حاجه
يلبسها .... القميص مرمي تحت السرير ... ويقلع اخوه الصغير البنطلون
بتاعه وهو نايم ... - هدومه كلها مكرمشه ...

تقولوش طالعه من بق كلب -

5- طب وبعدين .... ساعتين بيدور على الجزمه ... مش عارف رزعها فين ... واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه - طبعا ما يعرفش اختراع اسمه الشرابات -

6- دلوقتي معاد حرب كل يوم ..
: ماما ... انا عايز مصروفي

: مصروف ايه ياااااض ... انت مش واخد امبارح ..

ولا كل يوم مصروف مصروف

: يعني مافيش اي حاجه ؟؟؟

: في دي ..... دييييب ...

- ضربة بالحله على نافوخه -


7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -

8- هايروح مدرسته ازاي ؟؟؟ طبعا اي ميكروباز او عربيه نقل وقضيها
شعبطه .... - ليااااااااااااااااااااااااااااقة -

في طابور المدرسه ....



*الطفل الفافي (الهاف لايف) :

1- العيال كلهم واقفين في صفوف شكلها يفرح ..

ده غير ريحتهم اللي زي الفل - نضافه رباااااااااني -

2- الطابور كله تمارين ونشاط .... - على انغام الدي جي (ياسر شاكر)

3- الاذاعه المدرسيه .... اخبار من مجلات (واشنطون بوست) - وطبعا .... مافيش ترجمه -

4- يغنو النشيد الوطني بقيادة المايسترو (سليم سحاب) - (حسن كامي) ... كان بيغنيه معاهم قبل ما ربنا يفتح عليه -

5- طالعين فصولهم وكأنهم ملايكه أو فراشات ... وبحماس ونظاااام - تقريبا ... والله أعلم ... بيحبو مدرستهم .... سبحان الله -

*الطفل البيئه :

1- داخل المدرسه متأخر وحالته نيله - اتشعبط في مكروباز (شبرا) ... ومدرسته اصلا في (الحلميه) -
2- بعد التذنيب والشتيمه من مدرس الألعاب (حسن أبو شفه) ...
انضم لباقي زمايله في المعتقل ... سوري ... زمايله في المدرسه

- ولا واحد منهم فاهم هو فين أصلا ...

واتضح ان صاحبنا أكتر واحد شيييك فيهم -

3- الأثاحه الملثيه .....----> تحريف لكلمة (الاذاعة المدرسيه) ...

- تخيلو انتو باقي الأخبار بقى -

4- النشيد الوطني اللي هم بيقولوه .... بتاع دوله مجهوله ...

ونفسي اعرف ايه هي؟؟؟

- طبعا على موسيقا آلات النفخ .... الشيشه -

5- في مرحلة طلوعهم الفصول .... بيختلط الحابل بالنابل ....

- ياترى انا في فصل ايه النهارده ؟؟؟ -

بعد المدرسه ما تخلص ... بيرجعو على بيوتهم بنفس الاسلوب ....


ونشوف يومهم عامل ازاي دلوقتي

*الطفل الفافي (الهاف لايف) :

1- يرجع من السكول تكون الداده في استقباله ...

وتشيل منه الشنطه ...

ويغسل وشه ويغير هدومه


- والله العظيم ... وشه انضف من ما كان طالع الصبح أصلا -

2- بعد ما اتشطف .... وإتصبّن - الكلمه دي متعوب عليها على فكره - يقعد يلعب بلاي ستيشن لحاد ما يعملو الغدا

- الغدا بتاعهم بنشوفه في الأفلام الأمركاني -

3- هاني ... دينر از ريدي

- السيييم بتاعهم لما يجهز الغدا -

4- بعد الغدا ... يشرب كبايه (اورانج جووس) وينام ساعه عشان يعرف يذاكر ويحل الهوم وورك





*الطفل البييئه : ! !

1- أخينا رجع من المعتقل ... او المدرسه زي مابيقولو عليها ...

وهدومه كلها مقطعه وعلامات التعذيب على جسمه ...

- تقولوش جاسوس اسرائيلي اتمسك في حلوان -

2- امه لسه ماخلصتش الغدا ...

- النهارده امه دابحه دكر جبنه بيضه ...

واحتمال يكون في فول بالصلصه -

3- ترااااادااترااااااااااااااااااااااااا ...

- دي اعلان الحرب ... أو الغدا <هجووووووووووم> -

4- بعد اكلة الفول بالصلصه ومعاه فحلين بصل ...

عادة ما يعقبها احساس بالضياع

- تنااااااااحه ... فور آيفير -

بعد حالة التناحه او النوم دي ... بيجي وقت الشده ...

ياترى الحياه معاهم - الطفل الفافي .. والطفل البييئه - عامله ازاي ؟؟؟؟


*الطفل الفافي (الهاف لايف) :

1- يقوم من النوم على صوت الداده ... الهادي طبعا .. عشان يقوم يذاكر
مع المس (فرانكا) ... المدرّسه اللي جايبنهاله من انجلترا

- نازله مخصوص ....... بالكاتالوج -

2- بعد ما يخلص المذاكره وتحضير دروس تاني يوم ....

مامته تاخده النادي عشان يلعب رياضه (باسكت او تنس)

و احتمال (سكواش)

- مشتركين في نادي المعادي والصيد والشمس ...

ده غير سبورتنج في الصيف -

3- يرجع من النادي ... ياخد دش ويحضر شنطته

وينزل يتفرج على شانل تو

- شانل تو بتاعة الام بي سي ... مش بتاعة مصر طبعا -

4- على الساعه 10 يقوم عشان ينام ....

والداده تحكيله حكايه قبل النوم

- سندريللا وسنوو وايت ... مش ابو رجل مسلوخه وامنا الغوله -

5- ينام على صوت الداده وهي بتغنيله اغنيه رومانسيه ...

وفي حضنه الدبدوب اللي جاله في عيد ميلاده


- ملاك نايم يا اخواتي -

*الطفل البيييئه :

1- يفوق من حالة التناحه من الفول والبصل على صوت حد من صحابه ... عشان ينزل يلعب كوره شراب في الخرابه اللي جنب الحاره بتاعتهم

- نفس بدايات ابراهيم سعيد -

2- يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر القزاز بتاع محل (عم سيد) البقال

- الراجل ده من كتر القزاز بتاعه ما اتكسر ... هايفتح مصنع قزاز -

3- اخته جابته عشان يحل الواجب ويذاكر .. بس مامعاهوش قلم ...

قام نزل الشارع عشان يجيب قلم

- آدي دقني لو جاب ولا حتى رجع من أصله -

4- على الساعه 2 الفجر ... باب بيتهم بيخبط .. وامه فتحت الباب شافت
جارهم دماغه متعوره وجايب لها المحروس اللي كان بيلعب حرب بالطوب وفتح دماغه

- تقولش طفل من أطفال الانتفاضه -


5- ساب امه وابوه وهم بيصالحو جارهم وبيبوسو ايده عشان ما يعملوش محضر .... واتسحّب المفعوص على المطبخ جاب حتة جبنه وطماطمايه ورغيف معطن .... وزوغان على السرير

- بسلامته نايم وهو متلفح بالبطانيه زي مايكون من مطاريد الجبلانشاء الله تكون عجبتكم المقارنه

ههههههههههههههههههههههه
الرجوع الى أعلى الصفحة اذهب الى الأسفل
ahmed younis

avatar

عدد المساهمات : 1396
تاريخ التسجيل : 21/06/2010
العمر : 25
نقاط : 2545

مُساهمةموضوع: رد: مقارنه بين الطفل الفافى والبيئه جامده موووووووووووووووووووووت   السبت أكتوبر 09, 2010 9:14 am

يخرب عقلك ايه ده كله
عثل
تسلم ايدك




منتدى نورسين


نشأنا لننفرد وليس لنتنافس
الرجوع الى أعلى الصفحة اذهب الى الأسفل
noorseena
المديره
المديره
avatar

بلدى بلدى :

المهنة المهنة :

المزاج المزاج :

هوايتك هوايتك :

عدد المساهمات : 1225
تاريخ التسجيل : 12/06/2010
العمر : 28
mms mms :

نقاط : 1684

مُساهمةموضوع: رد: مقارنه بين الطفل الفافى والبيئه جامده موووووووووووووووووووووت   الأحد أكتوبر 10, 2010 4:14 pm

ههههههههههههههه
انتي فظيعه يا هنا لا جامده بجد
تسلم ايديكي يا عثولتنا


[


من لا يضعني كحلا في عينيه لا اضعه رباطا لحذائي




الرجوع الى أعلى الصفحة اذهب الى الأسفل
http://noorseen2.yoo7.com
hana 2010
فــراشــة نـورسـيـن
فــراشــة نـورسـيـن
avatar

عدد المساهمات : 168
تاريخ التسجيل : 13/08/2010
نقاط : 277

مُساهمةموضوع: رد: مقارنه بين الطفل الفافى والبيئه جامده موووووووووووووووووووووت   الإثنين أكتوبر 11, 2010 9:36 am

انت اللى عثل يا فرناندو توريس
وانتى اللى عثوله اوووووووووووى يا زوزو يا قمر
شكرا ليكوا
الرجوع الى أعلى الصفحة اذهب الى الأسفل
 
مقارنه بين الطفل الفافى والبيئه جامده موووووووووووووووووووووت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نور سين ضى القمر :: (¯`·._) المنتدى الترفيهى (¯`·._) :: الضحك والفرفشة-
انتقل الى:  
(¯`·._ساعة نور سين¯`·._)


المواضيع الأخيرة
»  اشهر 40 كدبة بيكدبهاالولد على البنت
الخميس أبريل 04, 2013 6:33 am من طرف اسير الذكرى

» ياترى مين هيرحب بيا
الإثنين سبتمبر 03, 2012 11:58 am من طرف noorseena

» اشترى لزوجته ذهب وابكى امه
الإثنين يونيو 11, 2012 4:41 am من طرف بنوته مصريه

» ارجـــــــع خدنـــــــي
الجمعة مارس 09, 2012 11:23 am من طرف ahmed younis

» هي دي الستات ولا بلاش
الخميس مارس 08, 2012 10:59 am من طرف احساس خجوله

» عائلتــي والنــــت
الخميس مارس 08, 2012 10:55 am من طرف احساس خجوله

» قمـــــــة الفشخــــــــــره
الخميس مارس 08, 2012 10:50 am من طرف احساس خجوله

» وقفها فالشارع وقالها
الخميس مارس 08, 2012 10:48 am من طرف احساس خجوله

» الفرق بين الولد والبنت لما مابيكونش معاهم رصيد
الخميس مارس 08, 2012 10:41 am من طرف احساس خجوله

» شوفوا استهبال المطربين ^_^
الخميس مارس 08, 2012 10:38 am من طرف احساس خجوله

» شكل الولد وهو بيكلم حبيبتــه
الخميس مارس 08, 2012 10:35 am من طرف احساس خجوله

» عارفين اح،،ا مش بنذاكر لييييييييييييييييييه ؟؟؟؟؟؟؟؟؟؟
الخميس مارس 08, 2012 10:18 am من طرف احساس خجوله

» قــال الولد بصــوت واطي
الخميس مارس 08, 2012 10:11 am من طرف احساس خجوله

» جســـور انسانـــيه
الخميس مارس 08, 2012 10:04 am من طرف احساس خجوله

» الحيـــاه في سطــور
الخميس مارس 08, 2012 9:58 am من طرف احساس خجوله

أفضل 10 أعضاء في هذا المنتدى
ahmed younis
 
noorseena
 
القلب الطيب
 
Ali
 
hana 2010
 
بنت المنصورة
 
قمر المنتدى
 
Ặђḿềď Ħǻḿďŷ
 
مايو
 
ما تحرك إحساسي
 
سبتمبر 2017
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
252627282930 
اليوميةاليومية
جميع الحقوق محفوظة
الساعة الان  بتوقيت (القاهرة)
جميع الحقوق محفوظة لـنور سين ضى القمر
Powered by AhMeD yOuNiS ®noorseen2.yoo7.com
حقوق الطبع والنشر©2011 - 2010
الدردشة|دردش فى نور سين و بس هنا