اجمل قصة حب رومانسيه الحلقة الثامنة

‎ كنا وقفنا فى الحلقه اللى فاتت ان الخروف سعيد بعد لما شاف المعزه راح على الباب وفتحه عشان يخرج ولكن لقى شخص فى وشه؟؟


وكان الشخص ده هو الكلب لطيف اللى كان جاى يستعجله لما لاقى جدى باشا خلص تليفون وجاى على الاوضه وانا نسيت اقولكم ان مهمه الكلب لطيف كانت مراقبه الطريق لو اى حد جاى يجرى بسرعه على الاوضه عشان ينبه الخروف سعيد وبالفعل خرج الخروف سعيد من الاوضه وراح على اوضته وتمت المهمه بنجاح .....



وقعد الخروف سعيد فى الاوضه سهران طول الليل يفكر فى المعزه الجميله وعمال يدعى لربنا انها ترجعله بالسلامه وتنجح العمليه ويشوفها تانى .....


وكان جنبه على السرير التانى الديك فرحات والكلب لطيف بيلعبوا كوتشينه وكل شويه يروح الديك فرحات مخبى تحته ريشه ورقه ويغش الكلب لطيف يروح الكلب لطيف رافع ايده ولسعه على قفاه ويقوله ياخى بطل غش بقى ....


وقعدوا كذلك لحد الفجر ينقروا فى بعض بعدين الاتنين ناموا وفضل الخروف سعيد صاحى لحد ماطلع النهاروبداوا يجهزوا عربيه الاسعاف عشان ياخدوا المعزه فيها على المطار واحنا عرفنا ان عربيه الاسعاف عباره عن عربيه نص نقل لكن العربيه دى كانت مجهزه بشكل افضل لانها طبعا مش زى بقيت المعيز والحيوانات دى بنت باشا ....


فكانت عربيه الاسعاف عباره عن عربيه 3 تربع نقل عليها اتنين داكاتره من اكفىء الاطباء ومعاهم اتنين ممرضين على كفاءه وخبره عاليه من التمريض وسواقين العربيه كانوا اتنين حصانه من اجود انواع الخيول العربيه عشان السرعه مطلوبه فى الحالات الخطيره دى امال ياجماعه دى معزه بنت ناس ومتربيه على الغالى مش زينا كده .....


ونزلزا المعزه بعد شويه وحطوها فى العربيه وكان الخروف سعيد واقف فى شباك المستشفى وعمال يبص عليها والدموع مليه عينيه وكان بيقول مع السلامه يا احلى صدفه قبلتها فى حياتى ويارب ماتكون اخر صدفه تجمعنا سوا ....


ومشيت العربيه وفضل الخروف سعيد عينه على العربيه لحد ما اختفت خالص ...


وجه الديك فرحات والكلب لطيف حطوا ايديهم على كتفه وقعدوا يطبطبوا عليه ويواسوا فيه امال ياجماعه هى دى الصداقه اللى بجد الصديق بيظهر وقت الشده مش زينا دلوقتى الصحاب فى اجازه .....


وبعدها بيومين خرج الديك من المستشفى هو والكلب لطيف والديك فرحات ورجعوا كلهم لبيوتهم ....


وتانى يوم الصبح من النجمه جه الديك فرحات مع الكلب لطيف كالعاده عشان يصحوا الخروف سعيد عشان يلحقوا مكان على قهوه عبد الفيل ولكن كانت المفجاه المفزعه ياترى ايه؟؟؟؟


دا اللى هنعرفه الحلقه الجايه ؟؟؟؟؟

انا نفسي المسلسل ده يخلص
طول ده المفروض يتزاع فى رمضان

ههههههههههههههههههه
هيخلص بس لازم تتشوقى شوية