دنيا الامان

فى الاول قالى كلام معسول
قصه وبدات يا مما فيها فصول
من كدب وغش اشكال والوان
دنيا ودايرة ولا فيها امان
ورانى الدنيا فى غمضه عين
مشانى فى سكه لقيتنى سجين
وسجين احلامه ف دنياه تاه
كدب ايامه وصدق مين
صدق خاين كداب ولعين
انا غلطه عمرى ان انا صدقته
سلمته كيانى وبقلبى عشقته
ورسملى معاه ايامى الجايه
بدلى خلاص ايامى ف ثانيه
بقى هو وحبه الهوا والميه
انا قولت لقيت حلم حياتى
وبدات اتخيل روياتى
ولقيت الطير ف السما فرحان
والهوا برياحه عمل الحان
والموج فى البحر اغانى كمان
كملت معاه وانا ايه ذبى
غدار غشاش باعنا ياقلبى
بعد اوانه جاى تلومنى
ياما كنت تقول خليه جمبى
يعنى انت خلاص بتغلطنى
جاي فى صفه وبتحبطنى
مش جاى فى صفه ولا حاجه
والحب لا طيبه ولا سذاجه
الحب ده اجمل شىء ف الكون
والعيب مش فيه العيب فيكم
شوهتو جماله ببلاويكم
والحب نفسه مش مسامحكو
بقى شايف الكدب فى ملامحكو
وخدعتو بعض باسمه كتير
دلوقتى اهو هاجر من عمايلكو
وخلاص ابقو افتكروه بالخير
قالى انا ماشى ومش راجع
احساسكم بقى كله مواجع
واحد كدا ب والتانى بايع
والشاطر اللى يجرح اكتر
ايه يجبرنى استحملكو
ايه يخلينى اشتاق واجيلكو
ياحجارة طريه ف شكل قلوب
وف صلابتها اجمد م الطوب
ياقلوب جاحده وناكرة وناسيه
على طول بتكون دايما قاسيه
ولا مرة شكرتو الحب يا ناس
ونسفتو جميله م الساس للراس
ومع اول مشكله تلعن اهله
كله منكم ومن عمايلكو
تستاهلو ولسه ياما هيجيلكو
انا ماشى خلاص مش جايلكو
تستاهلو الشفقه وهدعيلكو

انت تستاهل على موضوعك

شكرااااااااااااااااااا اقبلى انتى ده هدية منى

بدون تعليق

دائما متالق

تسلم ايدك وصوابعك

الي الامام

تحياتي

تسلم ايديكى انت على الرد الرائع ده