عيش مهيس تموت كويس، هيس هيس تبقي كويس‏

‎ عيش مهيس تموت كويس، هيس هيس تبقي كويس



ليه كل حاجة نتعب نفسنا و نكبر المواضيع و نعمل من الحبة قبة كدة بجد، هي الحياة تسوي ايه؟، ايه يستاهل دمعتنا ولا حزننا؟، ولا حاجة، ايه عشت حياتك، كبرت، خدت ثانوية عامة و كلية و اشتغلت، اتجوزت و بقي عندك عيلة، تعيش فقير تعيش غني، ساكن في فيللا ساكن فوق سطوح، تعبان مستريح، ايه الفرق، هي الدنيا ايه؟، كام سنة تتعب يا سيدي، 60؟، 70، 80؟ ، حتي لو عشت 100 سنة، العمر قصير، و مفيش حاجة تستاهل دمعتك، اتجرحت، فشلت، احلامك ضاعت، عادي، ربنا خلقلنا نعمة اسمها النسيان،وقعت، قوم اقف علي رجلك و ابدأ من الاول، هتخسر ايه؟ هتخاف علي ايه؟ ما كله من عند ربنا، و محدش بياخد اكتر من رزقه و نصيبه

عيش حياتك، عمرك ما تكشر، خليك وانت عندك 70 سنة ، بيان عليك عندك 20 سنة، مهو الشباب شباب القلب ، متشيلش علي نفسك هموم الدنيا،كبر الجي و روق الدي و خلي الحياة حلوة و خليها ايزي ، محدش واخد منها حاجة، كل حاجة بجد ملهاش لازمة، هي الدنيا ايه غير عمر قصير، المهم اللي بعد الدنيا يا جماعة،



اكسبوا آخرتكم و اوعوا تخسروها، عشان دي الحاجة اللي مينفعش فيها الندم

كله من عند ربنا، و محدش بياخد اكتر من رزقه و نصيبه


كلامك مظبوط يانجم موضوع جميل جدا

تسلم ايديك على الكلام الجميل ده