اجمل قصة حب رومانسيه الحلقة التالتة

‎ كنا وقفنا فى الحلقه اللى فاتت ان الديك فرحات والكلب لطيف لحظوا ان الخروف فرحات متعور فى فخده فسألوه فبدأ يحكلهم على اللى حصل ...
وفجأه حصلت حاجه غير متوقعه ؟؟؟!!


الديك فرحات نط من الكرسى وسرخ وقال اخويا الخروف سعيد يضرب وانا عايش على وش الدنيا وجرى على العشه بتاعته وسحب سنجه وبقى بيجرى فى الشارع والناس تحوش فيه وهو مفيش فايده واقعد يقول جملته المشهوره ""ان كانوا فاكرين نفسهم جديان فانا ديك يعنى من سته الصبح اصحيك ""


والناس تقوله ياعم طب الجديان مش موجودين دلوقتى يقول هعرفهم ولازم اجبهم يضربوا اخويا الخروف سعيد وانا عايش انا لازم اعرفهم واعلم عليهم ""طبعا بيعمل دور واجب مع صاحبه وهو اصلا كان قبلها بيومين واكل علقه سخنه من جدى جاره وعلقه على باب العشه "" المهم قدروا ان هم يهدوا ...


وقعد الخروف يكملهم القصه ويحكلهم على اجمل ملاك قبلها فى حياته وقعد يوصف فى رقتها وفى جمالها وقد ايه هى حساسه وانها ضحت بالجيبه بتاعتها عشان تدويله جرحه اللى فى فخده وكان الكلب لطيف قاعد يسمعله وحاسس بكل اللى بيقوله لانه حسه قبل كده طبعا مع الكلبه نوسا اللى بيحبها وماشى معها من ورا اهلها ..
اما الديك فرحات فكالعاده ولا فى الدماغ فكان عمال يعاكس فى فرختين موزز معدين من ادام القهوه ...


وعدى يوم ورا يوم والخروف سعيد قادر ينسى الملاك اللى شفها وكان قلبه حاسس انه هيجى اليوم اللى يشوفها فيه تانى ...



وفى يوم من الايام الجامعه اللى فيها الخروف سعيد ...ايوه الجامعه انا نسيت اقولكم ان الخروف سعيد فى كليه تجاره انجلش جامعه جنوب الوادى ايوه امال ايه دا خروف متعلم تعليم عالى
.اما الكلب لطيف فكان مخلص دبلوم صنايع قسم خراطه .
. والديك فرحات بقى كان اخد محو اميه بالعافيه وادى المراقب عليه فى الامتحان
بيضتين سرقهم من ورا امه عشان يخليه يطلع برشام كان جايبه معاه عشان يغش منه .

المهم الرحله دى كانت طالعه الاقصر واسوان لمده اسبوع ومدعمه من الجامعه وكان ينفع ان الطالب يجيب حد معاه من بره الجامعه طبعا الخروف سعيد اكيد هيجيب اعز اصحابه معاه وهم طبعا مصدقوا وجهزوا شنطهم

ويوم الرحله من الساعه 6 الصبح كان الديك فرحات والكلب لطيف ادام بيت الخروف {الزريبه طبعا}..
وراح الثلاثه فى انتظار اتوبيس الرحله
ولكن حدث شىء اغرب الى الخيال ّ!!
ماهو ؟؟
ودا اللى هنعرفه الحلقه الجايه ..........

هو انت لازم تشوقني كده انا عايزه اعرف

هههههههههههههههه
فاصل ونواصل