اعرف درجة ايمانك

بسم الله الرحمن الرحيم
فكرت في يوم من الايام ان اسوي ايه عند ربنا
فكرت في لحظة هو انا لما ربنا رزقني الايمان اللي ملأ قلبي
ياتري الايمان ده درجته قد ايه
فكر كده مع نفسك
فكرت؟
طب لو انا حاسس اني قلبي مليان ايمان وسعيد قوي
طب هي دي النهاية هي دي اخر حاجة ممكن احس بيها ومفيش حاجة بعدها
تعالو نشوف
لو مثلنا مثلا علي 3 اصناف من البشر
اول واحد
لما يكون الواحد تايه في الدنيا واتخنق خلاص فربنا هداه وقال ما انا عملت كل حاجة ومرتحتش برده فسلك طريق ربنا بس هو معرفش ربنا قوي ..اذاي يعني..
يعني هو رجع لربنا علشان نفسه يكون سعيد نفسه يحس انه عايش بس معرفش ربنا صفاته ايه وذاته ايه يعني من الاخر معرفش ربنا حق المعرفة
فلما رجع لربنا وربنا تاب عليه حس براحة في قلبه وانه عنده ايمان ..دي درجة..
الثاني بقي
ده كويس وقريب من ربنا وعمال يعمل اعمال خير كتيروشغال ومش واقف ماشاء الله وربنا كرمه في حياته ومن عليه كتيرده بقي عرف ربنا انه عمل طاعات كتير فربنا انعم عليه بنعم كتير وعرف شوية من صفات ربنا من خلال حياته من خلال النعم اللي ربنا انعم عليه بيها فمثلا يقول يااااه ده ربنا ده كريم دايما كارمني وساترني وبيقف معايا كتير وبرده حاسس بالسعاده معاه فربنا اداله درجة ايمان اكبر من الاول لانه تقرب لربنا اكتر بكثرة اعماله ..ودي درجة..

الثالث بقي ربناحب قوي وحب ربنا هو اللي مسيطر عليه
ده بقي عرف ربنا بحق وحقيقي
يعني عرف صفاته عرف عظمته عرف قدرته تعرف علي ذات الله من الاخر كده ده دارس عقيدة وماشاء الله متعرف علي ربنا كويس ده بقي حب ربنا لذاته يعني اهم حاجة عنده ربنا بالاضافة لطمهه في الجنه خوفه من النار ده حبه لذاته لانه عرف عن ربنا حاجات كتيييييييير فلما عرف ده كله حبه قوي
هتقولولي هو في حد مبيخافش من النار لاطبعا كلنا بنخاف من النار بس الانسان ده شغله الشاغل ربنا
يعني بيعمل اعمال صالحة لانه بيحبع خوفه من النار وطمعا في الجنه
يعني اول ميعرف حاجة ربنا بيحبها يقول سمعنا واطعنا من غير نقاش فهمتوني ..ودي اعظم درجة..

اناهقولوكم مثال من حياتنا بس طبعا مع فارق التشبيه
لو واحد مثلا ماشي مع اصحاب وحشين(صحبة سيئة يعني)
وفجاة اتخنق فواحد قالوا انا هعرفك علي واحد(ملتزم يعني) هيساعدك انك تحس بالسعاده .فساعده انه يتقرب من ربنا وفعلا حس بالسعادة

لو نفس الانسان الملتزم كان بيساعد انسان في كل حاجة وقدملو هدايا كتير وكل ميكون محتاج حاجة وقدر يساعده فيها يقدمها هذا الشخص
الشخص ده هيحب الانسان الملتزم ده من كتر مبيساعده ويقف معاه

طب لو مع نفس الانسان الملتزم ده
واحد صاحبه بقي وعارفه وعارف صفاته وممكن يكون قدمله هدايا او ساعده في حاجة بساكتر حاجة بيحبه علشانها صفاته
ياريت تكونوا عرفتوا تفرقوا

فهل درجة ايمان الناس كلها ذي بعض لا طبعا
فقد قال ابن القيم
(جميع ما يبدو للقلوب من صفات الرب سبحانه وتعالي يستغني العبد بها بقدر حظه من معرفتها،وقيامه بعبوديتها)
فإذا ما عرف الانسان ربه وامن به تفجرت ينابيع الخير في قلبه ثم فاضت علي جوارحه بمقدار علمه وقوة ايمانه
فالعلم هو السبيل المعرفة فاعلم الناس اخشاهم لله

قال الله تعالي (انما يخشي الله من عباده العلماء)

هقولكوا حاجة تاني لو ربنا ابتلي الانسان الاول ولو ابتلاء بسيط ممكن الانسان ده ينتكس ويرجع تاني وحش

ولو ابتلي النسان التاني ممكن في الاول ميسترجعش ويبكي ويزعل خالص وبعد شويه يتوب ويرجع وممكن برده يسترجع بس جوه نفسه زعلان ومدايق

الثالث بقي لوربنا ابتلاه والله بيكون حامد ربنا ومنتهي الرضا ومش زعلان لانه عارف الخيره فيما اختاره الله له وان ربنا ارحم به من نفسه وان رحمته وسعت كل شئ
وان الابتلاء ده لان ربنا اذا احب عبد ابتلاه


دلوقتي تحب تكون مين في دول

ايه رايك تتعرف علي ربنا صح تتعرف علي ذاته وصفاته ابحث عن ربنا بصدق ادرس عقيدة هتعرف ربنا صح وهتكون درجة ايمانك مش هتتصورها
هتقول ياه وانا اللي كنت بقول انا حاسس مفيش حد سعيد اكتر مني وانا كويس
هتحس بالفرق فعلا
ولما ربنا يكرمك وتزيد درجة ايمانك متقفش لا افتكر الكلمة اللي هقولها كويس لانها مش هتوقفك

لو وزن ايمان ابي بكر في كفة وايمان الامة في كفة لرجحت كفة ابي بكر
فكر في الجملة اللي قلتها دي
ياااااه ايمان الصحابه وانا وانت وانتي والمسلمين اللي ماتو واللي لسة جايين مشهيعملوا حاجة
كل ده ايمان!!!! ماشاء الله
معناه ان درجة الايمان في ازدياد مستمر وملهاش نهاية وكل متوصل لدرجة حافظ عليها ومتنقصهاش لكن زودها وقول في درجة اعلي من كده ايوه في صحيح احنا عمرنا مهنوصل للصحابة بس مش معني كده تقول مانا عمري مهوصل لهم صحيح انت مش هتوصلهم
بس متقفش وربنا هيديك اكتر واكتر

وعلي قدر مقام الله عندك علي قدر مقامك عند الله


يااااااااااارب نحبك حب لايوصف
فانت الذي فطرتنا علي ذلك
فيارب زد من ايماننا دائما ولا تنقصه ابدا

بصراحه انا اتلخبطت فى اول الموضوع
بس انا احب اكون مؤمنه بالله وكمان اعمل اعمال صالحه مش انى افضل اتعبد وخلاص
لازم انى اشتغل واحافظ على نفسي لان العمل عباده
ماينفعش اني اقضى وقتى كله عباده وماينفعش انى اقضي وقتى كله عمل
وماينفعش انى ادور على سعادتي وبس
العباده والعمل جزء لا يتجزأ

جزاك الله خيرا

جزاكى الله خيرا