ايوة بغير للشاعر ( هشام الجخ)

لشاعر رائع وهو هشام الجخ

قصيدة ايوه بغـــــــــير

أيوة بغير

لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟

ثم العبرة ماهيش في اللبس
اصل المشكلة عَندك .. عٍندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني تعبت من التفكير
واني بغير

بجد جامده موووووووووووت

واللي قالولك غيرة الراجل قِلّة ثقة او قلة فَهم
خَلْق حمير
غيرة الراجل نار في مَرَاجِل

كل دي غيره
هو انت بتكتب وبترد على نفسك يا علي
بس فيها كلمات ملهاش لزوم
زى حمير وكلب والكلام اللى زي كده

اشكرك على مشاركتك

يااااااااااااااااااااااااااااااااااه الغيره دى بحر عمييييييييييييييييييييييييييييييييييييييييييييق ملهوش اخر
بس الكلام اللى ملهوش لازمه دى وارد فى العاميه
شعراء كتييييييييييييييير زى عبدالرحمن الابنودى بيستعينوا برده بكلام زى كده فى مكتوبتهم
وحدش بيعيبهم اى وينتقدهم لانه شعر عامى
...................................................
سيبك انتى من كل ده جامده صح
عشان فى ناس بتفهم الغيرة غلط

» حصريا - حلقة خاصة عن محاكمة :: هشام طلعت مصطفى والسكرى وماذا بعد هذا الحكم؟ :: مع لميس الحديدى :: برنامج ( من قلب مصر ) :: جودة عالية Rmvb :: تحميل مباشر